Հայաստանի բասկետբոլի ֆեդերացիա
| Հայաստանի բասկետբոլի ֆեդերացիա | |
|---|---|
| Տեսակ | մարզական ֆեդերացիա |
| Երկիր |  Հայաստան |
| Հապավում | ՀԲՖ |
| Իրավ. կարգավիճակ | գործող |
| Գլխավոր քարտուղար | Հրաչյա Ռոստոմյան |
| Փոխնախագահ | Վահագն Հարությունյան |
| Գլխավոր քարտուղար | Արթուր Նազարյան |
Հայաստանի բասկետբոլի ֆեդերացիան, հանդիսանում է Բասկետբոլի ազգային կառավարման մարմինը Հայաստանում։ Ընկերությունը հիմնադրվել է 1989 թվականին, կենտրոնակայանը գտնվում է Երևանում։
Հայաստանի բասկետբոլի ֆեդերացիան ղեկավարում է Հայաստանի տղամարդկանց ազգային հավաքականը և Հայաստանի կանանց ազգային հավաքականը։ Նրանք կազմակերպում են ազգային մրցումներ Հայաստանում, ինչպես տղամարդկանց, այնպես էլ կանանց ավագ թիմերի, ինչպես նաև բասկետբոլի երիտասարդական ազգային հավաքականների համար։
Հայաստանի Բարձրագույն պրոֆեսիոնալ լիգան Հայաստանի բասկետբոլի Ա լիգան է[1]։
Պատմություն[խմբագրել | խմբագրել կոդը]
.jpg)
Հայաստանի բասկետբոլի ֆեդերացիան (ՀԲՖ) հիմնադրվել է 1989 թվականին, գլխամասային գրասենյակը գտնվում է Երևանում։ ՀԲՖ-ն միացել է Բասկետբոլի միջազգային ֆեդերացիային 1992 թվականին և հանդիսանում է Եվրոպայի բասկետբոլի ֆեդերացիայի լիիրավ անդամ։ 2006 թվականից Հրաչյա Ռոստոմյանը նշանակվել է ՀԲՖ-ի նախագահ։ ՀԲՖ-ն կառավարում է Հայաստանի բասկետբոլի մասնակցությունը ինչպես համաշխարհային, այնպես էլ եվրոպական մրցաշարերին։ 2016 թվականին Հայաստանի հավաքականը մասնակցել է Փոքր երկրների բասկետբոլի առաջնության և հաղթել մրցաշարում[2]։
Հայաստանը որակավորվել է 2022 թվականի Եվրոբասկետին մասնակցելու համար, սակայն ՀԲՖ-ն հայտարարել Է մրցույթից դուրս գալու մտադրության մասին՝ ֆինանսական սահմանափակումների պատճառով։
2022 թվականին Հայաստանը վերադարձել է միջազգային ասպարեզ՝ մասնակցելով ՖԻԲԱ-ի 2022 թվականի Եվրոպայի փոքր երկրների առաջնությանը։ Հայաստանի ազգային հավաքականն հասել է մինչև եզրափակիչ՝ 84:68 հաշվով հաղթելով Մալթային և դարձել չեմպիոն։
Գործունեություն[խմբագրել | խմբագրել կոդը]
2006 թվականին Արմեն Հովհաննիսյանը նշանակվել է Հայաստանի բասկետբոլի ներկայացուցիչ ԱՊՀ և Բալթյան երկրներում։ Ավելի ուշ Հայաստանի բասկետբոլի ֆեդերացիան Հովհաննիսյանի գլխավորությամբ Մոսկվայում բացեց իր առաջին արտասահմանյան ներկայացուցչությունը, որի նպատակն էր համակարգել Հայաստանի բասկետբոլային համագործակցությունը տարածաշրջանում[3]։
2011 թվականից Հայաստանի բասկետբոլի ֆեդերացիան ակտիվորեն աշխատում է թիմեր ստեղծելու համար աշխարհի տարբեր երկրներից հայ բասկետբոլիստներ ներգրավելու ուղղությամբ։ 2015 թվականին Արա Պողոսյանը նշանակվել է հայկական սփյուռքում բասկետբոլի միջոցառումների, մրցաշարերի և անձնակազմի հավաքագրման, ինչպես նաև Համահայկական խաղերին մասնակցելու համար մրցակիցներ գտնելու համակարգող[4]։
2018 թվականի սեպտեմբերին ԲՀՖ-ն օգնել է կազմակերպել ԵՄ եվրոպական սպորտի շաբաթվա միջոցառումները ամբողջ Երևանում՝ համագործակցելով երկրի սպորտի և երիտասարդության հարցերի նախարարության հետ[5]։
2020 թվականի ապրիլին ԲՀՖ-ն հայտարարել է մարքեթինգային արշավների ընդլայնման ծրագրերի մասին՝ հայկական բասկետբոլի նկատմամբ ինչպես տեղական, այնպես էլ միջազգային հետաքրքրությունը բարձրացնելու նպատակով[6]։
2021 թվականին Հայաստանում կայացել է կանանց մինչև 20 տարեկանների Եվրոպայի առաջնությունը։ Այն անցկացվել է հուլիսի 12-ից 18-ը՝ 2021 թվականի ՖԻԲԱ-ի կանանց մինչև 20 տարեկանների Եվրոպայի չեղարկված առաջնության դիմաց։
Նախահագներ[խմբագրել | խմբագրել կոդը]
- Հրանտ Վարդանյան (1989–2002)
- Արիստակես Նավասարդյան (2002–2006)
- Հրաչյա Ռոստոմյան (2006-ներկա)
Ծանոթագրություններ[խմբագրել | խմբագրել կոդը]
- ↑ «Armenia FIBA Europe». eurobasket.com. 2023 թ․ մարտի 23.
- ↑ «Ascent of Armenian Basketball • MassisPost». 2016 թ․ հունիսի 6.
- ↑ «ARMENIAN BASKETBALL FEDERATION TO HAVE REPRESENTATION IN MOSCOW». armenpress.am.
- ↑ «RUSARMINFO press conference: the basketball potential of the Armenian diaspora».
- ↑ «European Week of Sports in Armenia: Yerevan hosts street basketball tournament | EU Neighbours». www.euneighbours.eu.
- ↑ «Armenia's basketball federation to strengthen its marketing».